| Cognac Frapin News....retour aux sources..... |
Comment Pantagruel & Panurge delibèrent visite à l'oracle de la Dive Bouteille. TROISIEME livre des faicts & dicts Heroïcques du bon Pantagruel. Chapitre XLVII. Voy cy bien un aultre poinct, lequel ne consyderez. Est toutesfoys le neu de la matière. Il m'a rendu en main la bouteille. Cela que signifie? Qu'est ce à dire? Par adventure (respondit Pantagruel) signifie que vostre femme sera yvroigne. Au rebours, (dist Panurge) car elle estoit vuide. Ie vous iure l'espine de sainct Fiacre en Brye, que nostre Morosophe l'unicque non Lunaticque Triboullet me remet à la Bouteille. Et ie refraischiz de nouveau mon veu premier, & iure Styx & Acheron en vostre praesence, lunettes au bonnet porter, ne porter braguette à mes chausses, que sus mon entreprinse ie n'aye eu le mot de la Dive Bouteille. Ie sçay homme prudent & amy mien, qui sçait le lieu, le pays, & la contrée en laquelle est son temple & oracle. Il nous y conduira sceurement. Allons y ensemble, ie vous supply ne me esconduire. Ie vous seray un Achates, un Damis, & compaignon tout le voyage. Ie vous ay de long temps congneu amateur de peregrinité & desyrant tousiours veoir, & tousiours apprendre. (Visuel: Gargantua; illustration de Gustave Doré) Commentaires |
